STOCKHOLM: 2011

Montag, 12. Dezember 2011

Välkommen till Sverige Mami u Grosi!

Vom Donstig am Abä bis am Sunntig sy z'Mami u z'Grosi uf Stochholm cho. Mir hei äs suuuper Hotel gha mit emnä Zimmer wi im nä Schloss:) Natürlich hanis meeega gnossä, widrmau im nä richtig guetä Bett z'pfuusä...

Wiu mir am Donstig aui chly müed sy gsy (vom Reisä u vom Prakti) hei mir üs am Abä im Hotel troffä u hei dert Znacht gässä. Am Fritig bini am Morgä no dr letscht Tag im Prakti gsy u z'Mami u z'Grosi sy ufnä Stadtrundfahrt mit emnä Bus gangä. Am Namittag hei mir üs in Nordischen-Choufhuus troffä u hei dert ä FIKA-Pusä gmacht u chly igchouft u di mega schönä Wiehnachtsfenster agluegt.

När hei mir üs ufä Wäg ids Lappis gmacht, für mis Zimmer u chly Fötelis ga adsluegä.

Am Samstig sy mir zersch ir Gamla-Stan ufä Wiehnachtsmärit...

...u speter sy mir nach Skansen ufä Wiehnachtsmärit.

Üs hets mega guet gfauä dert, wiu si viu traditionelli schwedischi Sachä hei vrchouft.
Am Abä sy mir no ga typisch Schwedisch (=Kjötbullar) ässä.
Am Sunntig sy mir no chly ga Mitbringsel ichoufä u überä Wiehnachtsmärit im Kunsträdgarden glofä.

Leidr sy d Täg mega schnäu vrby gangä u hüt sy z'Mami u z'Grosi scho widr Hei gangä. TACK SA MYCKET fürä Bsuech, äs het hennä gfägt u i ha mi u gfröit, öich widrmau z'gse!!

Sonntag, 11. Dezember 2011

Sinterklaas-dr holländisch Chlousätag:)

Z'Guteä, dases hiä im Lappis so viu Lüt us aunä müglichä Ortä vor Wäut het, isch ja, dass mä hennä viu über angeri Länder lehrt. So hei mir am 5. Dezember mit dr Gytha u ihrnä Koleginnen vo Holland Sinterklaas gfiiret. Ds isch dr holländisch Samichlousätag u wi mir hei gmerkt, wird dä z'Holland fasch meh gfiiret aus d Wiehnacht.
Zu Sinterklaas ghörä viiiiiu spezielli Süessigkeiten, heissi Schoggi u vrschidnigi Spili, wo mä um chlini Gschänkli spiut...

... passend zu däm Tag hets am Abä sogar no afa Schneiä! Numä leidr isch dr Schnee nid so lang blibä u ids sy mir immer no am druf wartä.

Välkommen till Stockholm Stefanie!

Letscht Wuchä isch mi d Stefanie cho bsuechä. Si isch o us dr Schwiz u schaffet im Moment z'Karlstadt aus Aupair. Mir hei äs paar super Täg gha u si guet i Usgang u hei uf holländischi Art Samichlousätag gfiiret (meh zu däm im nächschtä Itrag) u am eintä Tag sy mir z'Skansen am Wiehnachtsmärit gsy.