Joggen am Meer, i chönt mi gloub dra gwöhnä...

Adrässä..

Für aui wo d Adrässä vo hiä hei wöuä:
Birgit Husi 
Forskarbacken 3
LGH 1313
SE 114 15 Stockholm

I bi mir zwar no nid so sicher, öb ds hiä würklich funktioniert mit dr Post.. Aber wär weiss;)

andere Länder, andere Sitten...

...wi mir hüt grad live miterläbt hei gids im Lappis dr Bruch, dass jedä Dienstag am 22.00 aui Lüt d Fänster ufmachä u usäschreiä...:) We mä no nid weiss, ds ds "normau" chas scho chly beänstigend würkä...:)

Aber so weiss mä ämu immer, wenn das mä si Frust cha los wärdä...;)

Chuchi putzä u ä super Entdeckig :)

Hüt am Namittag sy mir uf d Suechi nachm "Lappis Beach" gangä. U mir hei gmerkt, dass mir keni 10 Minuten vom Meer entfernt wohnä.. Äs wird immer besser hiä :)
@Nici: Ids hani d Säguschiff dirket vorm Huus!

Am Abä hei sich när aui Lütlis vo mim Floor troffä zum zämä d Chuchi z putzä. U ds isch definitiv ke Aglägäheit für heikli Gmüeter gsy... Aber nach öpä drü Stung putzä u ufrumä u entsorgä gsehts ids eingermassä us. Nach däm aues isch erlediget gsy hei mir no zämä gchochet u gässä. Ids bini ämu müed u fröiä mi uf mis Bett! 

POPAGANDA (Part 2)

Voila, Popaganda Part 2...

Hüt isch z Schwümmbad chly meh brucht wordä!

Am Namittag hets de no ä Synchronschwümm-Vorfüehrig vom schwedischen Männerteam gä... :)

U am Abä het o z Äntli no dörfä ga badä..

Das war Popaganda 2011!

Wius so schöns Wätter isch gsy u üs hiä immer aui sägä, mir müessi dr Summer i vouä Züg gniessä, so lang das mä no chön hei mir üs när no ufä Wäg id Strandbryggen gmacht u hei dert z tüürschtä Bierli ever trunkä... @Nici: ds topt sogar no das z Gstaad! ;)

PROPAGANDA (Part 1)

Hüt sy mir a üsem erschtä Festival z Stockholm gsy...:) Äs isch scho numä drum super gsy, wiu z Festivalgländ zmitts im nä Schwümmbad isch gsy. Bis am sibni am Abä hät mä sogar id Becki chönnä ga badä. Wius aber hiä im Moment nid so mega warm isch, hei di meischtä numä d Füessli badet. 
Ids no äs paar Biudli spezieu für z Möni:) (Da di gröschtä Schweden umbedingt vor üs hei müessä stah hei mir leider nid so viu vor Bühni gse. Drum sy d Fotis haut nid so super, aber villich hesch ja glych Fröid :)

Stockholm University

Hüt hei mir Infotag ar Uni gha. I ha gmerkt, dasi mi widr zimlich muess dra gwöhnä, so lang eifach da z hockä u zuäzlosä..
D Dozentä schinä hiä bis ids rächt sympathisch z sy. Si sy aui viu lockerer druf gsy aus ir Schwiz u hei probiert di vilä Infos chly mit Humor überä z bringä. U spetischtens wo dr eint i synä wissä Birkenstöck uf d Bühni cho hei mir definitiv gwüsst, dass mir z Schweden sy..:)
Für di vilä Infos z vrdouä sy mir am Namittag widrmau uf näs Tüürli dür d Stadt. Mir hei immer z Gfüu, das d Zyt hiä numä so vrby rast u mir schaffes am Abä aubä fasch nüme Hei z ga wiu mir no so viu möchtä aluegä u machä.
Morn geids de ab ads PROPAGANDA Festival. Mir sy sehr gspannt, was üs dert erwartet :)

Trip to IKEA

Nachemnä Usflug id IKEA, gseht aues scho viu besser us :)
Was mir hüt o no hei glehrt isch das Müll entsorgä in Schweden muss studiert wärdä.. Hiä isch Papier nid z Glychä wi Karton u sowiso wird eifach aus einzu vrrumt.. :)

Naja, bis im nä haubä Jahr hei mir üs de villich dra gwöhnt...

STOCKHO(L)M

nach erstä komplikationä am flughafen u chly z viu gäud für nä koffer (90.- pro stück…doofi swiss!!) hei mirs de doch no bis ids flugi gschafft :)

z stockholm isch de z gstress grad witer gangä. da üses flugi het vrspätig gha, hei mir numä ei stung zyt gha für vom flughafen zur uni z cho. nachm reisli mitm arlanda express hei mir üs z stockholm am bahnhof entschidä, dass mir äs taxi bis zur uni nä. u so hei mirs ir letschtä minutä no gschafft (mir sy am 17.01 vor dr uni acho u äs het bis am 17.00 offä gha.... ;)

ids sy mir üs chly am irichtä u morn geids de (wi chönts o angers sy ) ab id IKEA!

ByeBye Switzerland

Di letschtä Tägli ir Schwiz.. Ids sy d Kofferä packt u äs cha los ga! STOCKHOLM, wir kommen! :)