Herbstwätter in Stockholm!

Det är nu höst i Stockholm!
Langsam wärdä hiä aui Bletter farbig u deu flügä o scho ab. Wenn ids no d Sunnä schint us eingermassä warm isch, de isches wuuunderschön! Hüt isch super Wätter gsy u drum sy mir für di autäglichi Fika-Pousä id Stadt gangä.

 

Ungerwägs wo mir sy am Fötelä gsy, hei mir gmerkt, dass ä Gruppä vo Chinesen üs am Filmen u Fötelä isch (würum o immer!?) Mir hei sä när gfragt, öb si villich o mit üserä Kamera äs Föteli vo üs chöntä machä. Si sy begeisteret gsy, aber si hei immer mit uf z Biud wöuä.... Mir hei när mit aunä vo ihnä müessä äs Föteli machä u am Schluss hei si mit mirä Kamera eis Foti gmacht u uf ihrerä hei si ids äuä öpä 1000 vo üs...;)

Naja,  Photoshop sei Dank das mir ids glych no äs Föteli hei.... :)

Wo när d Sunnä langsam isch ungergangä sy mir nach Hornstull gangä. Dert hets ä risigi Brügg wo mä uf di ganzi Stadt gseht.