Giusi in ROCKHOLM

Am Dienstag am Abä isch dr Giusi z'Stockholm acho.

 Mir sy zersch Hei ga aues Gepäck abladä u när ids Vapiano ga ässä. Am nächschtä Tag hani leidr ad Uni müessä u drum isch dr Giusi chly alleini ga d Stadt erkundä...:)

 Am Namittag hei mir üs de ir Stadt troffä u sy ga FIKA-Pousä ir Gamla Stan machä.

 U das ja hiä ids scho am drü dunku isch (!!!) sy mir när no vom Katharina-Hissen ga d Stadt fötelä.

Am Abä hei mir Daheimä gchochet u sy no ids Café Opera gangä.

 Am nächschtä Tag hei mir chyl uspfuused u wo mir sy ufgstangä hei mirs grad no vorm Sunnäungergang gschafft, nach Hornstull z'ga, wo mä ä super Sicht über ganz Stockholm het!

Speter sy mir im nä sehr traditionell-schwedischä Beizli ga risen-Kjötbillar ässä.

U nach emnä Pöiseli Daheimä hei mir üs no ufä Wäg id ICE BAR gmacht.

Am nächschtä Morgä sy mir nach Vaxholm gangä. Dert isches o nachm füftä Mau immer no soooo schön!!

Am Namittag sy mir no chly ga d Stadt unsicher machä u am Abä sy mr mit äs Paarnä inä Bar ir Gamla Stan.

U chly speter sy mir üses Glück im Casino ga probierä...U mir hei sogar öpä150.- gwunnä!

Das isch leider scho üsä letscht Abä gsy u ids isch dr Giusi scho widr ir Schwiz! Thanks for rocking Stockholm :)