Letscht Wuchä hani widrmau Bsuech übercho. D Sabä isch vom Donstig bis am Zischtig nach Stockholm cho. Obwohl dr Norden sim Namä im Moment nid so grächt wird (äs isch widr fasch 10 Grad warm u vo Schnee isch no wyt u breit nid z'gse..) hei aus erst müessä d Händschä gsuecht wärdä..:)
U wiu d Sunnä ja hiä scho so früeh unger geid sy mir när grad no ufä Katharina-Hissen ga dr Sunnäungergang fötelä u speter wos langsam dunku isch wordä, sy mir z Södermalm ga Fika-Pousä machä.
Am nächschtä Tag hani zum Glück (widrmau) ke Uni gha u drum sy mir nach Vaxholm gangä au di schöönä schwedischä Hüüsli ga fötelä.
Am Namittag sy mir uf näs (Shopping!!-)Tüürli dür d Stadt gangä..:)
U am Samstig sy mir ä Flomärit im Stadn ga suechä. Leidr isch aber o bim suechä blibä....;) Ussert üs het irgendwiä niemer öpis vo däm Märit gwüsst...
...u ds isch aues gsy, wo mir hei gfungä....
...drum sy mir när no nach Hornstull ga Föteli vor Stadt machä.
U natürlich het bi däm schönä Wätter o ä Fika-Posuä ufm Schiffcafi nd dörfä fählä!
U am Abä hei mir o ir Stadt no super Föteli chönnä machä...STOCKHO(L)M isch doch scho schön!!
Am Sunntig sy mir mit dr Gytha u ihrerä Kollegin vo Holland ga Zmörgälä i üses Lieblingscafi. Ufm Wäg dert här sy mir no bim Ratshuset vrby u hei probiert Fotis ufm typischä Schweden-Rössli z'machä....u ds gshet definitiv eifacher us, aus dases isch....;)
Naja, irgendwiä hei mir de o das no gschafft...:) u sy doch no im Orangeriet acho...
Speter sy mir no chly ids SoFo-Quarier z'Södermalm u speter ufä Wiehnachtsmärit ir Gamla Stan.
Und ufm Heiwäg hei mir no di schmalsti Gass ir Stadt entdeckt....
Am Mäntig het leidr mis Prakti widr agfangä u drum isch d Sabä haut no chly alleini id Stadt gangä. Am Abä sy mir no im Hermas ga Znacht ässä. Ds isch äs Restaurant mit erä suuuper Sicht über d Sadt!
Tack så mycket für di super Täg!
Keine Kommentare:
Kommentar veröffentlichen